74.Ennadu ViJnanamika Naku - ఎన్నడు విజ్ఞానమిక నాకు

Audio link : G.BalaKrishnaPrasad
Audio link : 
Archive link :

Raga : Sivaranjani , Composer : G.Balakrishnaprasad

ఎన్నడు విజ్ఞానమికనాకు విన్నపమిదె శ్రీ వేంకటనాథా

బాసిన బాయవు భవబంధములు ఆస ఈ దేహమున్నన్నాళ్ళు
కోసిన తొలగవు కోరికలు గాసిలి చిత్తము కలిగినన్నాళ్ళు

కొచ్చిన కొరయవు కోపములు గచ్చుల గుణములు గలిగినన్నాళ్ళు
తచ్చిన తగలవు తహతహలు రచ్చలు విషయపు రతులన్నాళ్ళు

ఒకటికొకటికిని ఒడబడవు అకట శ్రీవేంకటాధిపుడా
సకలము నీవే సరణంటే ఇక వికటము లణగెను వేడుక నాళ్ళు

ennaDu vij~naanamikanaaku vinnapamide Sree vaeMkaTanaathaa

baasina baayavu bhavabaMdhamulu aasa ee daehamunnannaaLLu
kOsina tolagavu kOrikalu gaasili chittamu kaliginannaaLLu

kochchina korayavu kOpamulu gachchula guNamulu galiginannaaLLu
tachchina tagalavu tahatahalu rachchalu vishayapu ratulannaaLLu

okaTikokaTikini oDabaDavu akaTa SreevaeMkaTaadhipuDaa
sakalamu neevae saraNaMTae ika vikaTamu laNagenu vaeDuka naaLLu


vivarana by Sri GB Sankararao, sujanaranjani
తత్త్వకీర్తన్! విషయవాంఛలతో, భౌతిక దేహపు వాసనల్తో సతమతమవుతున్న జీవుడి వేదన్ ఇది! ఓ శ్రీ వేంకటేశ్వరా! నాకు ఎప్పుడు జ్ఞానం గలుగుతుంది స్వామీ! నన్ను అంటిపెట్టుకున్న ఈ మమకార, అనురాగాల వల్ల భౌతిక బంధాలు వీడుట లేదు! చిత్తభ్రాంతి ఉన్నన్నాళ్ళు కోరికలు తొలగటం లేదు! ఓ స్వామీ! ఏమిటీ విపరీతం, పోలికలేని విరుద్ధ భావాలు అంటూ జీవుడి దైన్యస్థితిని తెలియజేసిన అన్నమయ్య సంకీర్తనాంతంలో విరుగుడు కూడ తెలియజేసాడు.

ఇటువంటి విరుద్ధ భావాల మధ్య ఎటువంటి పరిస్థితులలోనైనా నీవే శరణంటే కష్టాలు తీరతాయి! శ్రీ వేంకటేశ్వరుణ్ణి శరణు కోరటమే ఈ భవరోగానికి మందు! అప్పుడు ఈ వవికటాలన్నీ అణగి వేడుక (ఉత్సాహం-నందసిద్ధి) కలుగుతుంది.
గాసిలి = బాధ;
వికటము = వంకర్లు (నష్టాలు)
పాసిన పాయవు = విడిపించుకుందామన్న విడువవు;