68.Uyyala balunuchedaru - ఉయ్యాలా బాలునూచెదరు

Audio link : P.Suseela
Archive link :

ఉయ్యాలా బాలునూచెదరు
కడునొయ్య నొయ్య నొయ్యనుచు

బాలయవ్వనలు పసిడివుయ్యాల
బాలుని వద్ద పాడేరులాలి
లాలి లాలి లాలెమ్మ
లాలి లాలి లాలి లాలనుచు

తమ్మిరేకు గనుదమ్ముల నవ్వుల
పమ్ము జూపుల బాడేరు
కొమ్మలు మట్టెల గునుకుల నడపుల
ధిమ్మి ధిమ్మి ధిమ్మి ధిమ్మనుచు

చల్లు జూపుల జవరాండ్లురే
పల్లె బాలుని బాడేరు
బల్లిదు వేంకటపతి జేరి యందెలు
ఘల్లు ఘల్లు ఘల్లు ఘల్లనుచు

GB Shankar rao gari vivarana , (from sujanaranjani)

బాలకృష్ణుని ఉయ్యాల పాట యిది! గోపకాంతలు లీలామానుష రూపుడైన బాలకృష్ణుని ఉయ్యాలలో పడుకోబెట్టి లాలి, లాలి, లాలెమ్మ అను సొగసైన పదాల లాలిపాటతో కృష్ణుని పరవశింపజేస్తున్నారట. ఆ జవరాండ్లు ఉయ్యాలకు ఇరువైపులా ఉండి ఊపుతున్న సమయంలో వారి నోటినుండి నొయ్యనొయ్యనొయ్య అనే ధ్వని లయబద్ధంగా వెలువడి ఆహ్లాదకర శబ్దాలు ధిమ్మి ధిమ్మి ధిమ్మనగా వేంకటాద్రి కృష్ణుని అందెల రవళులు ఘల్లు ఘల్లని మారుమ్రోగాయట! ఈ పాటలో అన్నమయ్య స్వామివారి ఉయ్యాల క్రీడను అద్భుతంగా ఆవిష్కరించారు.

కనుదమ్ములు = రెండుకళ్ళు;
బల్లిదుడు = బలవంతుడు ;
పమ్ము = వ్యాపించిన;
తమ్మిరేకు = నల్లకలువపూల రేకులు;
కొమ్మలు = స్త్రీలు;
జవరాండ్లు = యవ్వనవతులు
బాలయవ్వనలు = తొలిప్రాయపు జవ్వనలు;
గునుకు = కొద్దిగా పరుగెత్తునట్లు నడచుట (బ్రౌణ్యం);
చల్లుచూపుల జవరాండ్లు = చూపులను చల్లే వయసుగత్తెలు