Audio section under Maintanance

Esnips is down for some time.... Moving audio files to windows SkyDrive: http://sdrv.ms/OPUSw9

Archive.org Embedded Players added for 1-430 kirtanas., Work Under progress for adding Audios for other kirtanas.
శ్రుతులై శాస్త్రములై పురాణ కథలై సుజ్ఞానసారంబులై యతిలోకాగమవీధులై వివిధ మంత్రార్ధంబులై నీతులై కృతులై వేంకటశైల వల్లభరతిక్రీడా రహస్యంబులై నుతులై తాళ్ళపాక అన్నమయ వచోనూత్నక్రియల్ చెన్నగున్

Tuesday, April 17, 2007

179.inni chaduvanEla-ఇన్నిచదువనేల


Audio link :Nedunuri KrishnaMurthy
Archive link :
ప|| ఇన్నిచదువనేల ఇంత వెదకనేల | కన్ను తెరచుటొకటి కనుమూయుటొకటి ||
చ|| వలెననేదొకమాట వలదనేదొక మాట | సిలుగులీ రెంటికిని చిత్తమే గురియౌను |
వలెనంటె బంధము వలదంటె మోక్షము | తెలిసి విజ్ఞానులకు తెరువిది యొకటే ||
చ|| పుట్టెడిదొకటే పోయెడిదొకటే | తిట్టమై రెంటికిని దేహమే గురియౌను |
పుట్టుట సంశయము పోవుట నిశ్చయము | వొట్టి విజ్ఞానులకు వుపమిది వొకటే ||
చ|| పరమనేదొకటే ప్రపంచమొకటే | సిరుల నీరెంటికిని జీవుడే గురియౌను |
ఇరవు వేంకటేశుడిహ పరములకర్త | శరణాగతులకెల్ల సతమీతడొకడే ||

in english:
pa|| innicaduvanEla iMta vedakanEla | kannu teracuTokaTi kanumUyuTokaTi ||
ca|| valenanEdokamATa valadanEdoka mATa | silugulI reMTikini cittamE guriyaunu |
valenaMTe baMdhamu valadaMTe mOkShamu | telisi vij~nAnulaku teruvidi yokaTE ||
ca|| puTTeDidokaTE pOyeDidokaTE | tiTTamai reMTikini dEhamE guriyaunu |
puTTuTa saMSayamu pOvuTa niScayamu | voTTi vij~nAnulaku vupamidi vokaTE ||
ca|| paramanEdokaTE prapaMcamokaTE | sirula nIreMTikini jIvuDE guriyaunu |
iravu vEMkaTESuDiha paramulakarta | SaraNAgatulakella satamItaDokaDE ||
meaning by Sri GB Sankar rao garu , posted in sujanaranjani :తత్త్వ సారాన్ని, జీవిత పరమార్ధాన్ని తెలుసుకోవడానికి అన్ని శాస్త్రాలు చదువవలసిన అవసరం లేదు. శుష్క సాధనలు, శోధనలు అంతకంటే అవసరం లేదు. మరి ముక్తి మార్గం ఎలా తెలుసుకోవాలనే జిజ్ఞాసులకు అతి సులభంగా తత్త్వ సారాన్ని అన్నమాచార్యుల వారు ఈ సంకీర్తనలో ఉపదేశిస్తున్నారు. జనన మరణాలు అనివార్యమైన ఈ ప్రపంచ నాటక రంగస్థలంపై భగవంతుడు ఆడించే బొమ్మలు ఈ జీవులు! మరులు గొలిపే బాహ్య భౌతిక ఆకర్షణలకు లోనై, యింద్రియ సుఖాలకు అంటిపెట్టుకుని ఉండడమే బంధం! వాటిని ‘మాయ’ గా గ్రహించి, దూరంగా ఉండటమే మోక్షం. పుట్తిన దేహం గిట్టక మానదు! (కా) వలెను. (కా)వలదు అని మనసులో రెండు భావాలు తరచు సంవాద పడుతుంటాయి మనం ఏదైనా ఇది మనది అనుకుంటే బంధం! కాదు అనుకుంటే బంధరాహిత్యం! అలాగే పుట్టుట, చావుట రెండూ దేహానికి సంబంధించినవే! పుట్టుక సంశయం అంటే మనం మళ్ళీ పుడతామో లేదో తెలియదు కానీ పుట్టిన తరువాత చావటాం మాత్రం అనివార్యంగా జరిగే పని, ఈ విజ్ఞతతో కూడిన ఈ విషయాలన్నీ భక్తి, జ్ఞాన శిఖామణులైన వారికి మాత్రమే తెలుస్తాయి. ఆ జ్ఞాన సారాన్ని అన్నమయ్య ఈ పాట ద్వారా మనకందిస్తున్నాడు! ఈ సత్యం తెలుసుకుని ఇహపరలోకాలకు కర్తయైన శాశ్వతుడు శ్రీ వెంకటేశ్వరుని శరణు వేడడమే జీవికి ముక్తిమార్గం.

సిలుగు = ఉపద్రవము / కష్టము;
తెరువు = మార్గం;
సతము = శాశ్వతము;
తిట్టము = ఆశ్రయం;
ఇరవు = నెలవు;
తెలిసి విజ్ఞానులు = గమనించగలిగే వివేకులు;
వలెను = కావాలి;
వలదు = వద్దు;
సిరుల = విశిష్టమైన

No comments: