450.chepparAdI yiMti sirulu - చెప్పరాదీ యింతి సిరులు

click here to listen to this kirtnana sung by Balakrishnaprasad , Raga : KApi , composer : G.Balakrishnaprasad 
చెప్పరాదీ యింతి సిరులు - దీని
వొప్పులిన్నియు జూడ వొరపులో గాని

ముదిత జఘనముమీది మొలనూలి గంటలవి
కదలు రవమెట్లుండె కంటిరే చెలులు
మదనుడుండెడి హేమమందిరము దిరిగిరా
గదిసి మ్రోసెడి పారిఘంటలో గాని

కొమ్మపయ్యెద లోని కుచములరుచి వెలికి
చిమ్ముటది యెట్లుండె చెప్పరే చెలులు
యిమ్మైన మరుధనములెల్ల రాసులు వోసి
కమ్ముకొని చెంగావి కప్పిరో గాని

నెలత కంఠమునందు నీలమణిహారములు
అలరుటెట్లుండు కొనియాడరే చెలులు
ఆ లలితాంగి ప్రాణావల్లభుడు వేంకట విభుడు
నెలకొన్న కౌగిటనె నిలిచెనో గాని

chepparAdI yiMti sirulu - dIni
voppulinniyu jUDa vorapulO gAni

mudita jaghanamumIdi molanUli gaMTalavi
kadalu ravameTluMDe kaMTirE chelulu
madanuDuMDeDi hEmamaMdiramu dirigirA
gadisi mrOseDi pArighaMTalO gAni

kommapayyeda lOni kuchamularuchi veliki
chimmuTadi yeTluMDe chepparE chelulu
yimmaina marudhanamulella rAsulu vOsi
kammukoni cheMgAvi kappirO gAni

nelata kaMThamunaMdu nIlamaNihAramulu
alaruTeTlunDu koniyADarE chelulu
A lalitAMgi prANAvallabhuDu vEMkaTa vibhuDu
nelakonna kaugiTane nilichenO gAni