856. tatigAni yIpATu daivamA - తతిగాని యీపాటు దైవమా

Audio link : Sri G. Anila Kumar
Audio Archive link 
తతిగాని యీపాటు దైవమా విచారించవే
కతలాయఁ జెప్ప నేఁడు కలికాలమహిమ    =పల్లవి=

తుటుములై భూసురుల తుండెములు మొండెములు
యిటువలె భూతములు యెట్టు మోఁచెనో
అటు బాలుల రొదలు ఆకాశమె ట్టోరిచెనో
కట కటా యిట్లాయఁ గలి కాల మహిమ    =పల్లవి=

అంగలాచే కామినుల యంగ భంగపు దోఁపు
లింగితాన మింట సూర్యఁ డెట్టుచూచెనో
పొంగు నానాజాతిచేత భువనమెట్లానెనో
కంగి లోకమిట్లాయఁ కలికాలమహిమ    =పల్లవి=

అరుదు గోహత్యలు సేయఁగ దూడ లంగలావ
సరి ధర్మదేవతెట్టు సమ్మతించెనో
పరధన చూరకెట్టు పట్టాయనో లక్ష్మి
కరుణ యెందణఁగెనో కలికాలమహిమ    =పల్లవి=

దేవాలయాలు నానాదేశములెల్లాఁ జొచ్చి
దేవఁగా నెట్లుండిరో దేవతలు
తావులేలే రాజులకు దయ గొంత వుట్టదాయ
కావరమే ఘనమాయఁ గలి కాలమహిమ    =పల్లవి=

నిరపరాధులఁ జంపి నెత్తురు వారించఁగాను
తెరల కెట్టుండిరో దిక్పాలులు
విరసవర్తనలుండే విపరీతకాలమున
గరువాలుఁ గపటాలే కలికాలమహిమ    =పల్లవి=

వుపమించి దంపతులు వొకరొకరినిఁ జూడ
చపల దుఃఖములతో సమయఁగాను
తపములు జపములు ధర్మము లెందణఁగెనో
కపురుఁబాపాలు నిండెఁ గలికాలమహిమ    =పల్లవి=

తలలు వట్టీడువఁగా తల్లులు బిడ్డలవేయ
తలఁపెట్టుండెనో యంతర్యామికి
మలసి ముక్కలుగోయ మరుఁడెట్టు వోరిచెనో
కలఁకలే ఘనమాయఁ గలికాలమహిమ    =పల్లవి=

దీనత లోఁబడి గుండెదిగు లసురుసురులు
వానినెట్లు లోఁగొనో వాయుదేవుఁడు
గూను వంచి తల్లి చూడఁ గొడుకుఁ గుత్తిక గోయఁ
గానఁబడె నింతేసి కలికాలమహిమ    =పల్లవి=

పలుమారు నమ్మించి ప్రాణములు గొనఁగాను
యిలఁ దమలోఁ బ్రాణాలెట్లుండెనో
నెలవై శ్రీ వేంకటేశ నీవే యెరుఁగుదువు
కలుషమే ఘనమాయఁ గలికాలమహిమ    =పల్లవి=

tatigaani yeepaaTu daivamaa vichaariMchavae
katalaaya@M jeppa nae@MDu kalikaalamahima    =pallavi=
tuTumulai bhoosurula tuMDemulu moMDemulu
yiTuvale bhootamulu yeTTu mO@MchenO
aTu baalula rodalu aakaaSame TTOrichenO
kaTa kaTaa yiTlaaya@M gali kaala mahima    =pallavi=
aMgalaachae kaaminula yaMga bhaMgapu dO@Mpu
liMgitaana miMTa soorya@M DeTTuchoochenO
poMgu naanaajaatichaeta bhuvanameTlaanenO
kaMgi lOkamiTlaaya@M kalikaalamahima    =pallavi=
arudu gOhatyalu saeya@Mga dooDa laMgalaava
sari dharmadaevateTTu sammatiMchenO
paradhana choorakeTTu paTTaayanO lakshmi
karuNa yeMdaNa@MgenO kalikaalamahima    =pallavi=
daevaalayaalu naanaadaeSamulellaa@M jochchi
daeva@Mgaa neTluMDirO daevatalu
taavulaelae raajulaku daya goMta vuTTadaaya
kaavaramae ghanamaaya@M gali kaalamahima    =pallavi=
niraparaadhula@M jaMpi netturu vaariMcha@Mgaanu
terala keTTuMDirO dikpaalulu
virasavartanaluMDae vipareetakaalamuna
garuvaalu@M gapaTaalae kalikaalamahima    =pallavi=
vupamiMchi daMpatulu vokarokarini@M jooDa
chapala du@hkhamulatO samaya@Mgaanu
tapamulu japamulu dharmamu leMdaNa@MgenO
kapuru@Mbaapaalu niMDe@M galikaalamahima    =pallavi=
talalu vaTTeeDuva@Mgaa tallulu biDDalavaeya
tala@MpeTTuMDenO yaMtaryaamiki
malasi mukkalugOya maru@MDeTTu vOrichenO
kala@Mkalae ghanamaaya@M galikaalamahima    =pallavi=
deenata lO@MbaDi guMDedigu lasurusurulu
vaanineTlu lO@MgonO vaayudaevu@MDu
goonu vaMchi talli chooDa@M goDuku@M guttika gOya@M
gaana@MbaDe niMtaesi kalikaalamahima    =pallavi=
palumaaru nammiMchi praaNamulu gona@Mgaanu
yila@M damalO@M braaNaaleTluMDenO
nelavai Sree vaeMkaTaeSa neevae yeru@Mguduvu
kalushamae ghanamaaya@M galikaalamahima    =pallavi=