810.anniTAnu jANakatte vaitivE nIvu - అన్నిటాను జాణకత్తె వైతివే నీవు

Archive link : Balakrishnaprasad
అన్నిటాను జాణకత్తె వైతివే నీవు
కిన్నెరమీటుల నెంత గిలిగించేవే

చెలువము లొకవంక చిరునవ్వు లొకవంకఁ
జిలుకుతా వల పెంత చిమ్మిరేచేవే
తలుపు మాటున నుండి తరితీపులెల్లాఁజేసి
చెలువుని యెదుట సిగ్గులెంతచూపేవే

పొదలుఁజూపుల కొంత బొమ్మజంకెనలఁ కొంత
సదరానఁ బతి నెంతసాదించేవే
వదలుఁబయ్యద చేత వన్నెలమోవిచేత
యెదురెదురనే యంత యెలయించేవే

చిప్పిలుఁజెమట తోడ శిరసువొంపులతోడ
ముప్పిరిఁదమక మెంతమూట గట్టేవే
యిప్పుడే శ్రీవేంకటేశుడేలె నలమేల్మంగవు 
కొప్పుజారె నింకా నెంత కొసరఁజూచేవే

anniTAnu jANakatte vaitivE nIvu

kinneramITula neMta giligiMchEvE

cheluvamu lokavaMka chirunavvu lokavaMka@M

jilukutA vala peMta chimmirEchEvE

talupu mATuna nuMDi taritIpulellA@MjEsi

cheluvuni yeduTa sigguleMtachUpEvE

podalu@MjUpula koMta bommajaMkenala@M koMta

sadarAna@M bati neMtasAdiMchEvE

vadalu@Mbayyada chEta vannelamOvichEta

yedureduranE yaMta yelayiMchEvE

chippilu@MjemaTa tODa SirasuvoMpulatODa

muppiri@Mdamaka meMtamUTa gaTTEvE

yippuDE SrIvEMkaTESuDEle nalamElmaMgavu 

koppujAre niMkA neMta kosara@MjUchEvE