495.vIDE nelakonnADu SrIvEMkaTagiri mIda - వీడే నెలకొన్నాడు శ్రీవేంకటగిరి మీద

వీడే నెలకొన్నాడు శ్రీవేంకటగిరి మీద
వీడే కౌరవులపాలిటి విశ్వరూపుడితడు

త్రిపురంబులమై వ్రాలిన ఆఘనతీవ్ర బాణమితడు
చపలపు బాణుని మర్మభేదియగు చక్రధరుడు ఇతడు
విపరీతము కంబములో వెలసిన వీరసింహమితడు
కపటపు భస్మాసురుని పాలిటికి కాలదండమితడు

ధరణి క్రింద బలినణచిన ఆపాతాళ భేదియితడు
పరశురాముని గర్వమునణచిన ప్రళయవాయువితడు
ఒరసిన నరకాసురునిపాలిటికి ఉరుమని పిడుగితడు
దురమున నెదిరిన దనుజ కోటులకు ధూమకేతువితడు

అదిగో విధిరుద్రాదులకెల్లను ఆదిమూలమితదు
పదిలముగా తనుకొలిచిన ఆశ్రితపారిజాతమితడు
కదలని ఆ బ్రహ్మాండకోటులకు కన్నతండ్రి యితడు
వెతకి వెతకి వరములొసంగెడి వేంకటపతి యితడు

vIDE nelakonnADu SrIvEMkaTagiri mIda
vIDE kauravulapAliTi viSwarUpuDitaDu

tripuraMbulamai vrAlina AghanatIvra bANamitaDu
chapalapu bANuni marmabhEdiyagu chakradharuDu itaDu
viparItamu kaMbamulO velasina vIrasiMhamitaDu
kapaTapu bhasmAsuruni pAliTiki kAladaMDamitaDu

dharaNi kriMda balinaNachina ApAtALa bhEdiyitaDu
paraSurAmuni garwamunaNachina praLayavAyuvitaDu
orasina narakAsurunipAliTiki urumani piDugitaDu
duramuna nedirina danuja kOTulaku dhUmakEtuvitaDu

adigO vidhirudrAdulakellanu AdimUlamitadu
padilamugA tanukolichina ASritapArijAtamitaDu
kadalani A brahmAMDakOTulaku kannataMDri yitaDu
vetaki vetaki varamulosaMgeDi vEMkaTapati yitaDu