336. trikaraNaSuddhiga jEsinapanulaku- త్రికరణశుద్ధిగ జేసినపనులకు

Archive Audio link : G Balakrishnaprasad
Ragam : Chakravakam, Composer : Balakrishnaprasad ప|| త్రికరణశుద్ధిగ జేసినపనులకు దేవుడు మెచ్చును లోకము మెచ్చును |
వొకటి కోటిగుణితంబగుమార్గములుండగ బ్రయాసపడనేలా ||
చ|| తనమనసే పరిపూర్ణమైన గోదావరి గంగా కావేరి |
కనకబిందుయమునాగయాది ముఖ్యక్షేత్రంబుల సంతతమున్ |
దినకరసోమగ్రహణకాలముల తీర్థాచరణలు సేసినఫలములు |
తనుదానే సిద్ధించును వూరకే దవ్వులు దిరుగగ మరి యేలా ||
చ|| హరి యనురెండక్షరములు నుడివిన నఖిలవేదములు మంత్రములు |
గరిమ ధర్మశాస్త్రపురాణాదులు క్రమమున జదివినపుణ్యములు |
పరమతపోయోగంబులు మొదలగుబహుసాధనములసారంబు |
పరిపక్వంబై ఫలియించగా బట్టబయలు వెదకనేలా |
చ|| మొదల శ్రీవేంకటపతికిని జేయెత్తి మొక్కినమాత్రములోపలనే |
పదిలపుషోడశదానయాగములుపంచమహాయజ్ఞంబులును |
వదలక సాంగంబులుగా జేసినవాడే కాడా పలుమారు |
మదిమదినుండే కాయక్లేశము మాటికి మాటికి దనకేలా ||

pa|| trikaraNaSuddhiga jEsinapanulaku dEvuDu meccunu lOkamu meccunu |
vokaTi kOTiguNitaMbagumArgamuluMDaga brayAsapaDanElA ||
ca|| tanamanasE paripUrNamaina gOdAvari gaMgA kAvEri |
kanakabiMduyamunAgayAdi muKyakShEtraMbula saMtatamun |
dinakarasOmagrahaNakAlamula tIrthAcaraNalu sEsinaPalamulu |
tanudAnE siddhiMcunu vUrakE davvulu dirugaga mari yElA ||
ca|| hari yanureMDakSharamulu nuDivina naKilavEdamulu maMtramulu |
garima dharmaSAstrapurANAdulu kramamuna jadivinapuNyamulu |
paramatapOyOgaMbulu modalagubahusAdhanamulasAraMbu |
paripakvaMbai PaliyiMcagA baTTabayalu vedakanElA |
ca|| modala SrIvEMkaTapatikini jEyetti mokkinamAtramulOpalanE |
padilapuShODaSadAnayAgamulu paMcamahAyaj~jaMbulunu |
vadalaka sAMgaMbulugA jEsinavADE kADA palumAru |
madimadinuMDE kAyaklESamu mATiki mATiki danakElA ||

Click here to listen to this kirtana : Balakrishnaprasad