331.arudI kapIndruni-అరుదీ కపీంద్రుని

Archive Audio link : G Balakrishnaprasad
అరుదీ కపీంద్రుని అధిక ప్రతాపము
సురలకు నరులకీసుద్దులెందు కలవా

ఉదయాచలము మీదినొక్కజంగ చాచుకొని
ఉదుటున నపరాద్రి నొక్కజంగ చాచుకొని
తుద సూర్యమండాలము తోడ మోము దిప్పుకుంటా
పెదవు లెత్తి చదివె పెద్దహనుమంతుడు

వొక్కమొలగంట చంద్రు డొక్కమొలగంట రవి
చుక్కలు మొలపూసలై చూపట్టగా
నిక్కిన వాలాగ్రమందు నిండిన భ్రహ్మలోకము
పిక్కటిల్ల పెరిగెను పెద్దహనుమంతుడు

పిడికిలించిన చేత బిరుదులపండ్లగొల
తడయక కుడిచేత దశదిక్కుల
జడియక శ్రీవేంకటేశ్వరుని మన్ననబంటు
బెడిదపు మహిమల పెద్దహనుమంతుడు


arudI kapIndruni adhika pratApamu
suralaku narulakIsudduleMdu kalavA

udayAchalamu mIdinokkajaMga chAchukoni
uduTuna naparAdri nokkajaMga chAchukoni
tuda sUryamaMDAlamu tODa mOmu dippukuMTA
pedavu letti chadive peddahanumaMtuDu

vokkamolagaMTa chaMdru DokkamolagaMTa ravi
chukkalu molapUsalai chUpaTTagA
nikkina vAlAgramaMdu niMDina bhraHmalOkamu
pikkaTilla perigenu peddahanumaMtuDu

piDikiliMchina chEta birudulapaMDlagola
taDayaka kuDichEta daSadikkula
jaDiyaka SrIvEMkaTESwaruni mannanabaMTu
beDidapu mahimala peddahanumaMtuDu