736.koluvarO mokkarO kOrina - కొలువరో మొక్కరో కోరిన వరము లిచ్చీ

Audio link : Sri Balakrishnaprasad
కొలువరో మొక్కరో కోరిన వరము లిచ్చీ
సులభు డిన్నిటాను వీడె సుగ్రీవ నరహరి ||

కంబములోన పుట్టి కనకదైత్యుని కొట్టి
అంబరపు దేవతలకు అభయమిచ్చి |
పంబి సిరిదన తొడపై బెట్టుక మాటలాడి
అంబుజాక్షుడైనట్టి ఆదిమ నరహరి ||

నానా భూషణములు ఉన్నతి తోడ నిడుకొని
పూనికతో ప్రహ్లాదుని బుజ్జగించి
మానవులకెల్లను మన్నన చాలా నొసగి
ఆనందముతో నున్నాడు అదిగో నరహరి ||

మిక్కిలి ప్రతాపముతో మించిన కాంతులతోడ
అక్కజపు మహిమల నలరుచును
తక్కక శ్రీవేంకటాద్రి తావుకొని వరాలిచ్చీ
చక్కదనములకెల్లా చక్కని నరహరి ||

koluvarO mokkarO kOrina varamu liccI

sulaBu DinniTAnu vIDe sugrIva narahari ||

kaMbamulOna puTTi kanakadaityuni koTTi

aMbarapu dEvatalaku aBayamicci |

paMbi siridana toDapai beTTuka mATalADi

aMbujAkShuDainaTTi Adima narahari ||

nAnA BUShaNamulu unnati tODa niDukoni

pUnikatO prahlAduni bujjagiMci

mAnavulakellanu mannana cAlA nosagi

AnaMdamutO nunnADu adigO narahari ||

mikkili pratApamutO miMcina kAMtulatODa

akkajapu mahimala nalarucunu

takkaka SrIvEMkaTAdri tAvukoni varAliccI

cakkadanamulakellA cakkani narahari ||

735.nirmalulu vIru nityasukhulu - నిర్మలులు వీరు నిత్యసుఖులు

Audio : Sri DV Mohanakrishna
నిర్మలులు వీరు నిత్యసుఖులు
కర్మదూరులు విష్ణుకైంకర్యపరులు

పరమజ్ఞానసంపన్నులగువారికిని
అరుదుగా దిచటిమహదైశ్వర్యము
హరికృపారాధనము చేనబ్బినమహాత్ములకు
సరకుగాకుండు పంచల విధానములు

బలిమిని వేదాంత పట్టభద్రులకు నిల
బలురాజ్యపదవు లిరుగడబంట్లు
లలిమీరి హరిచక్రలాంఛనపు శూరులకు
యెలమి విజయములెల్ల నింటిలో నుండు

యీవలను శ్రీవేంకటేశు శరణాగతుల
కావటించిన పుణ్య మడువుగాదు
దైవజ్ఞులయిన యా ధర్మస్వరూపులకు
వేవేలు భోగములు వెనుతగులుచుండు

nirmalulu vIru nityasukhulu
karmadUrulu vishNukaiMkaryaparulu

paramajnAnasaMpannulaguvArikini
arudugA dichaTimahadaiSwaryamu
harikRpArAdhanamu chEnabbinamahAtmulaku
sarakugAkuMDu paMchala vidhAnamulu

balimini vEdAMta paTTabhadrulaku nila
balurAjyapadavu lirugaDabaMTlu
lalimIri harichakralAMChanapu SUrulaku
yelami vijayamulella niMTilO nuMDu

yIvalanu SrIvEMkaTESu SaraNAgatula
kAvaTiMchina puNya maDuvugAdu
daivaj~nulayina yaa dharmaswarUpulaku
vEvElu bhOgamulu venutaguluchuMDu

734.chinnavADu nAluguchEtulatOnunnADu - చిన్నవాడు నాలుగుచేతులతోనున్నాడు

Audio link : Sri DV Mohanakrishna
చిన్నవాడు నాలుగుచేతులతోనున్నాడు
కన్నప్పుడే శంఖముచక్రముచేతనున్నది

నడురెయి రోహిణి నక్షత్రమునబుట్టె
వడి కృష్ణుడిదివో దేవతలందు
పడిన మీ బాధలెల్ల ప్రజలాల యిప్పుడిట్టె
విడుగరాయ మీరు వెరవకుడికను

పుట్టుతనె బాలుడు అబ్బురమైన మాటలెల్ల
అట్టె వసుదేవుని కానతిచ్చెను
వట్టిజాలింకేల దేవతలాల మునులాల
వెట్టి వేములు మానెను వెరవకుడికను

శ్రీవేంకటనాథుడే యీసిసువు తానైనాడు
యీవల వరము లెల్లా నిచ్చుచును
కావగ దిక్కైనా డిక్కడనె వోదాసులల
వేవేగ వేడుకతోడ వెరవకుడికను

chinnavADu nAluguchEtulatOnunnADu

kannappuDE SaMkhamuchakramuchEtanunnadi

naDureyi rOhiNi nakshatramunabuTTe

vaDi kRshNuDidivO dEvatalaMdu

paDina mI bAdhalella prajalAla yippuDiTTe

viDugarAya mIru veravakuDikanu

puTTutane bAluDu abburamaina mATalella

aTTe vasudEvuni kAnatichchenu

vaTTijAliMkEla dEvatalAla munulAla

veTTi vEmulu mAnenu veravakuDikanu

SrIvEMkaTanAthuDE yIsisuvu tAnainADu

yIvala varamu lellA nichchuchunu

kAvaga dikkainaa DikkaDane vOdAsulala

vEvEga vEDukatODa veravakuDikanu

733.paTTina paMtamu baluvanavE - పట్టిన పంతము బలువనవే

Audio link : Sri Srirangam Gopalaratnam
పట్టిన పంతము బలువనవే
చుట్టపువరుసలు చూచితిననవే

తానూఁజూచెను తనువూ నాటెను
కానీకానీ కద్దనవే
నానితిఁజెమటల నవ్వుల మునిగితి
పూని యిద్దరికిఁ బోదనవే

మారుమాటాడెను మనసుననిలిచెను
ఆరీ తేరీ నౌననవే
తీరవు పులకలు తెగదిది తమకము
భారము తనపై పడెననవె

కాగిట గూడెను కళలను గరగితి
దాగనేల యికఁ దగుననవే
వీగనైతి శ్రీవేంకటపతి రతి
చేగదేరె నిక జెల్లుబడనవే

paTTina paMtamu baluvanavE

chuTTapuvarusalu chUchitinanavE

tAnU@MjUchenu tanuvU nATenu

kAnIkAnI kaddanavE

nAniti@MjemaTala navvula munigiti

pUni yiddariki@M bOdanavE

mArumATADenu manasunanilichenu

ArI tErI naunanavE

tIravu pulakalu tegadidi tamakamu

bhAramu tanapai paDenanave

kAgiTa gUDenu kaLalanu garagiti

dAganEla yika@M dagunanavE

vIganaiti SrIvEMkaTapati rati

chEgadEre nika jellubaDanavE

732.chittajaguruDa vO SrInarasiMhA - చిత్తజగురుడ వో శ్రీనరసింహా

Audio link : Sri Balakrishnaprasad
చిత్తజగురుడ వో శ్రీనరసింహా
బత్తిసేసేరు మునులు పరికించవయ్యా

సకలదేవతలును జయవెట్టుచున్నారు
చకితులై దానవులు సమసిరదె
అకలంకయగు లక్ష్మియటు నీ తొడపై నెక్కె
ప్రకటమైన నీ కోపము మానవయ్యా

తుంబురునారదాదులు దొరకొని పాడేరు
అంబుజాసనుడభయమడిగీనదె
అంబరవీధి నాడేరు యచ్చరలందరుగూడి
శంబరరిపుజనక శాంతము చూపవయ్యా

హత్తి కొలిచేరదె యక్షులును గంధర్వులు
చిత్తగించు పొగడేరు సిద్ధసాధ్యులు
సత్తుగా నీ దాసులము శరణు చొచ్చితి మిదె
యిత్తల శ్రీవేంకటేశ యేలుకొనవయ్యా

chittajaguruDa vO SrInarasiMhA

battisEsEru munulu parikiMchavayyA

sakaladEvatalunu jayaveTTuchunnAru

chakitulai dAnavulu samasirade

akalaMkayagu lakshmiyaTu nI toDapai nekke

prakaTamaina nI kOpamu mAnavayyA

tuMburunAradAdulu dorakoni pADEru

aMbujAsanuDabhayamaDigInade

aMbaravIdhi nADEru yachcharalaMdarugUDi

SaMbararipujanaka SAMtamu chUpavayyA

hatti kolichErade yakshulunu gaMdharvulu

chittagiMchu pogaDEru siddhasAdhyulu

sattugA nI dAsulamu SaraNu chochchiti mide

yittala SrIvEMkaTESa yElukonavayyA

731.chUchi vachchiti nIvunnachOTiki - చూచి వచ్చితి నీవున్నచోటికి తోడి తెచ్చితి

Audio link : P.Suseela
చూచి వచ్చితి నీవున్నచోటికి తోడి తెచ్చితి
చేచేతఁ బెండ్లాడు చిత్తగించవయ్యా

లలితాంగి జవరాలు లావణ్యవతి ఈకె
కలువకంఠి మంచి కంబుకంఠి
జలజవదన చక్రజఘన సింహమధ్య
తలిరుఁబోడిచక్కదనమిట్టిదయ్యా

అలివేణి మిగులనీలాలక శశిభాల
మలయజగంధి మహామానిని యీకె
పెలుచుమరునివిండ్లబొమ్మలది చారుబింబోష్ఠి
కని(లి?)తకుందరద చక్కందనమిట్టిదయ్యా

చెక్కుటద్దములది శ్రీకారకన్న(ర్ణ?)ములది
నిక్కుఁజన్నులరంభోరు నిర్మలపాద
గక్కన శ్రీవేంకటేశ కదిసె లతాహస్త
దక్కె నీకీ లేమ చక్కందన మిట్టిదయ్యా

chUchi vachchiti nIvunnachOTiki tODi techchiti
chEchEta@M beMDlADu chittagiMchavayyA

lalitaMgi javarAlu lAvaNyavati Ike
kaluvakaMThi maMchi kaMbukaMThi
jalajavadana chakrajaghana siMhamadhya
taliru@MbODichakkadanamiTTidayyA

alivENi migulanIlAlaka SaSibhAla
malayajagaMdhi mahAmAnini yIke
peluchumaruniviMDlabommaladi chArubiMbOshThi
kanitakuMdarada chakkaMdanamiTTidayyA

chekkuTaddamuladi SrIkArakanna(rNa?)muladi
nikku@MjannularaMbhOru nirmalapAda
gakkana SrIvEMkaTESa kadise latAhasta
dakke nIkI lEma chakkaMdana miTTidayyA

730.pulakala molakala punnamatODanE kUDe - పులకల మొలకల పున్నమతోడనే కూడె

Audio link : Sri Balakrishnaprasad
పులకల మొలకల పున్నమతోడనే కూడె
అలివేణి నీపతితో ఆడవే వసంతము

మాటలు తీగెలు వారె మక్కువలు చిగిరించె
మూటలకొద్దీ నవ్వులు మొగ్గలెత్తెను
వాటపుజవ్వనాలకు వసంతకాలము వచ్చె
ఆటదానవు పతితో ఆడవే వసంతము

చెమటరసములూరి సిగ్గులుపూవకపూచె
తిమురు తరితీపుల తేనెలుబ్బెను
క్రమమున తమకము గద్దియ మదనుండెక్కె
అమర నీ పతితోడ ఆడవే వసంతము

కడుగోరికాకులు కాయముకాయలు గాచె
బడినే కెమ్మోవినీ పండువందెను
ఎడలేక శ్రీవేంకటేశుడిట్టే నిన్ను గూడే
అదరి నీపతితోడీ ఆడవే వసంతము
pulakala molakala punnamatODanE kUDe
alivENi nIpatitO ADavE vasaMtamu

maaTalu tIgelu vaare makkuvalu cigiriMce
mUTalakoddI navvulu moggalettenu
vaaTapujavvanaalaku vasaMtakaalamu vacce
ATadaanavu patitO ADavE vasaMtamu
cemaTarasamulUri siggulupUvakapUce
timuru taritIpula tEnelubbenu
kramamuna tamakamu gaddiya madanuMDekke
amara nI patitODa ADavE vasaMtamu

kaDugOrikaakulu kaayamukaayalu gaace
baDinE kemmOvinI paMDuvaMdenu
eDalEka SrIvEMkaTESuDiTTE ninnu gUDE
adari nIpatitODI aaDavE vasaMtamu

729.poMderugudunaMduvu bhOginaMduvu - పొందెఱుగుదునందువు భోగినందువు

Audio link : Sri Balakrishnaprasad

పొందెఱుగుదునందువు భోగినందువు నీ -
యందరు సతులకు నేనాకు మడిచిత్తునా

ఎవ్వతెకైనాఁ జనవిచ్చేవు మెచ్చేవు నీ -
నవ్వులకైనాను మన్ననఁ జూచేవు
అవ్వలి యివ్వలి నీ యంగనల వొద్దను
పవ్వళించి వుండగా నే పాదములొత్తుదునా

ఏపున నెక్కడికైనా నేగేవు దాగేవు నీ -
కోపాన నాతోనైనా మేకులు సేసేవు
వైపున నీవెందుండైనా వచ్చిన నేనంతలో
నోపికనప్పుడు నీ కూడిగాలు సేతునా

వేడుకలెందుఁ బారవేసేవు నీ -
వాడికచేతలెన్నైనా వన్నె వెట్టేవు
ఈడు లేని తిరువేంకటేశ కూడితివి నన్ను
వాడుచు నీతోడ నేను వాసి చూపగలనా

poMde~rugudunaMduvu bhOginaMduvu nI -

yaMdaru satulaku nEnAku maDichittunA

evvatekainA@M janavichchEvu mechchEvu nI -

navvulakainAnu mannana@M jUchEvu

avvali yivvali nI yaMganala voddanu

pavvaLiMchi vuMDagA nE pAdamulottudunA

Epuna nekkaDikainA nEgEvu dAgEvu nI -

kOpAna nAtOnainA mEkulu sEsEvu

vaipuna nIveMduMDainA vachchina nEnaMtalO

nOpikanappuDu nI kUDigAlu sEtunA

vEDukaleMdu@M bAravEsEvu nI -

vADikachEtalennainA vanne veTTEvu

IDu lEni tiruvEMkaTESa kUDitivi nannu

vADuchu nItODa nEnu vAsi chUpagalanA

728.adevachche nidevachche achyutusEnApati - అదెవచ్చె నిదెవచ్చె అచ్యుతుసేనాపతి

Audio Archive link : Sri Balakrishnaprasad
అదెవచ్చె నిదెవచ్చె అచ్యుతుసేనాపతి
పదిదిక్కులకు నిట్టె పారరో యసురులు

గరుడధ్వజంబదె ఘనశంఖరవమదె
సరుసనే విష్ణుదేవుచక్రమదె
మురవైరిపంపులవె ముందరిసేనలవె
పరచి గగ్గుల కాడై(ఱై) పారరో దానవులు

తెల్లని గొడుగులవె దేవదుందుభులు నవె
యెల్లదేవతరథా లింతటా నవె
కెల్లురేగీ నిక్కి హరికీర్తి భుజములవె
పల్లపు పాతాళానఁ బడరో దనుజులు

వెండిపైడిగుదె లవె వెంజామరములవె
మెండగు కైవారాలు మించిన వవె
దండి శ్రీవేంకటపతి దాడిముట్టె నదెయిదె
బడుబండై జజ్జరించి పారరో దైతేయులు

adevachche nidevachche achyutusEnApati

padidikkulaku niTTe pArarO yasurulu

garuDadhwajaMbade ghanaSaMkharavamade

sarusanE vishNudEvuchakramade

muravairipaMpulave muMdarisEnalave

parachi gaggula kADai(~rai) pArarO dAnavulu

tellani goDugulave dEVaduMdubhulu nave

yelladEvatarathA liMtaTA nave

kellurEgI nikki harikIrti bhujamulave

pallapu pAtALAna@M baDarO danujulu

veMDipaiDigude lave veMjAmaramulave

meMDagu kaivArAlu miMchina vave

daMDi SrIvEMkaTapati dADimuTTe nadeyide

baDubaMDai jajjariMchi pArarO daitEyulu

727.EmigaladiMdu eMtapenaginavRthA - ఏమిగలదిందు ఎంతపెనగినవృథా

Audio link : 

ఏమిగలదిందు ఎంతపెనగినవృథా కాముకపు మనసునకు కడమొదలు లేదు వత్తిలోపలినూనె వంటిది జీవనము విత్తుమీదటిపొల్లు విధము దేహంబు బత్తిసేయుటయేమి పాసిపోవుట యేమి పొత్తులసుఖంబులకు పొరలుటలుగాక ఆకాశపాకాశ మరుదైనకూటంబు లోకరంజనము తమలోనిసమ్మతము చాకిమణుగులజాడ చంచలపు సంపదలు చేకొనిననేమి యివి చెదరిననునేమి గాదెబోసినకొలుచు కర్మిసంసారంబు వేదువిడువనికూడు వెడమాయబతుకు వేదనల నెడతెగుట వేంకటేశ్వరునికృపా- మోదంబు వడసినను మోక్షంబు గనుట EmigaladiMdu eMtapenaginavRthA kAmukapu manasunaku kaDamodalu lEdu vattilOpalinUne vaMTidi jIvanamu vittumIdaTipollu vidhamu dEhaMbu battisEyuTayEmi pAsipOvuTa yEmi pottulasukhaMbulaku poraluTalugAka AkASapAkASa marudainakUTaMbu lOkaraMjanamu tamalOnisammatamu chAkimaNugulajADa chaMchalapu saMpadalu chEkoninanEmi yivi chedarinanunEmi gAdebOsinakoluchu karmisaMsAraMbu vEduviDuvanikUDu veDamAyabatuku vEdanala neDateguTa vEMkaTESwarunikRpA- mOdaMbu vaDasinanu mOkshaMbu ganuTa