618.maMtanAna nADEramma - మంతనాన నాడేరమ్మ

Audio link , composed and sung by TP Chakrapani raga: jhanjhuti
మంతనాన నాడేరమ్మ మధురలో యీసుద్దులు
వింతలాయ వినరమ్మ వీనుల పండుగలు

గక్కన కృష్ణుడు పుట్టె కంసుని మద మడగె
మొక్కిరి దేవతలెల్ల ముదమందుచు
చక్కగా జయంతి నేడు శ్రావణ బహుళాష్టమి
తక్కక దేవకి తల్లి తండ్రి వసుదేవుడు

యమున దాటి యట్టె యశోద యింట బెరిగి
జమళితో బలబద్ర సమేతుడై
సమమై చంద్రోదయము సమకూడె తోడతోడ
రమణ పువ్వులవాన రాసులుగా కురిసె

పనులెల్లా నీడేరే బ్రదికె లోకములెల్లా
నినుపులై ధర్మములు నెలకొనెను
వొనర నలమేల్మంగ నురమున నిడుకొని
ఘన శ్రీవేంకటేశుడై కందువ నిలిచెను

maMtanAna nADEramma madhuralO yIsuddulu
viMtalAya vinaramma vInula paMDugalu

gakkana kRShNuDu puTTe kaMsuni mada maDage
mokkiri dEvatalella mudamaMduchu
chakkagA jayaMti nEDu SrAvaNa bahuLAShTami
takkaka dEVaki talli taMDri vasudEvuDu

yamuna dATi yaTTe yaSOda yiMTa berigi
jamaLitO balabadra samEtuDai
samamai chaMdrOdayamu samakUDe tODatODa
ramaNa puvvulavAna rAsulugA kurise

panulellA nIDErE bradike lOkamulellA
ninupulai dharmamulu nelakonenu
vonara nalamElmaMga nuramuna niDukoni
ghana SrIvEMkaTESuDai kaMduva nilichenu