583.sulabhamA manujulaku - సులభమా మనుజులకు హరిభక్తి

Archive link :

సులభమా మనుజులకు హరిభక్తి
వలనొంది మరికదా వైష్ణవుడగుట

కొదలేనితపములు కోటానుకోటులు
నదన నాచరించి యటమీద
పదిలమైన కర్మబంధము లన్నియు
వదలించుకొని కదా వైష్ణవుడగుట

తనివోనియాగతంత్రములు లక్షల సంఖ్య
అనఘుడై చేసినయటమీద
జననములన్నిట జనియించి పరమపా -
వనుడై మరికదా వైష్ణవుడగుట

తిరిగి తిరిగి పెక్కు తీర్థములన్నియు
న(/అ)రలేక సేవించినటమీద
తిరువేంకటాచలాధిపుడైన కరిరాజ -
వరదుని కృపగదా వైష్ణవుడగుట

sulabhamA manujulaku haribhakti
valanoMdi marikadA vaishNavuDaguTa

kodalEnitapamulu kOTAnukOTulu
nadana nAchariMchi yaTamIda
padilamaina karmabaMdhamu lanniyu
vadaliMchukoni kadA vaishNavuDaguTa

tanivOniyAgataMtramulu lakshala saMkhya
anaghuDai chEsinayaTamIda
jananamulanniTa janiyiMchi paramapA -
vanuDai marikadA vaishNavuDaguTa

tirigi tirigi pekku tIrthamulanniyu
na(/a)ralEka sEviMchinaTamIda
tiruvEMkaTAchalAdhipuDaina karirAja -
varaduni kRpagadA vaishNavuDaguTa