Audio section under Maintanance

Esnips is down for some time.... Moving audio files to windows SkyDrive: http://sdrv.ms/OPUSw9

Archive.org Embedded Players added for 1-370 kirtanas., Work Under progress for adding Audios for other kirtanas.
శ్రుతులై శాస్త్రములై పురాణ కథలై సుజ్ఞానసారంబులై యతిలోకాగమవీధులై వివిధ మంత్రార్ధంబులై నీతులై కృతులై వేంకటశైల వల్లభరతిక్రీడా రహస్యంబులై నుతులై తాళ్ళపాక అన్నమయ వచోనూత్నక్రియల్ చెన్నగున్

Saturday, August 30, 2008

525.Itarulaku ninu neragataramaa - ఇతరులకు నిను నెఱగతరమా

Audio download link : Balakrishnaprasad : Ragam : Sri Ragam

ఇతరులకు నిను నెఱగతరమా
సతత సత్యవ్రతులు సంపూర్ణమోహవిర-
హితలెఱుగుదురు నిను నిందిరారమణా

నారీకటాక్షపటునారాచభయరహిత-
శూరులెఱుగుదురు నిను చూచేటిచూపు
ఘోరసంసార సంకులపరిచ్చేదులగు-
ధీరులెఱుగుదురు నీదివ్యవిగ్రహము

రాగభోగవిదూరరంజితాత్ములు మహా-
భాగులెరుగుదురు నిను ప్రణుతించువిధము
ఆగమోక్తప్రకారాభిగమ్యులు మహా-
యోగులెఱగుదురు నీవుండేటివునికి

పరమభాగవత పదపద్మసేవానిజా-
భరణులెఱుగుదురు నీ పలికేటిపలుకు
పరగునిత్యానందపరిపూర్ణ మానస-
స్థిరులెఱుగుదురు నిను తిరువేంకటేశ


Itarulaku ninu ne~ragataramaa

Satata satyavratulu sampoornamohavira-

Hitale~ruguduru ninu nimdiraaramanaa

Naareekataakshapatunaaraachabhayarahita- Soorule~ruguduru ninu choochaetichoopu Ghorasamsaara samkulaparichchaedulagu- Dheerule~ruguduru needivyavigrahamu

Raagabhogavidooraramjitaatmulu mahaa- Bhaaguleruguduru ninu pranutimchuvidhamu Aagamoktaprakaaraabhigamyulu mahaa- Yogule~raguduru neevumdaetivuniki

Paramabhaagavata padapadmasaevaanijaa- Bharanule~ruguduru nee palikaetipaluku Paragunityaanamdaparipoorna maanasa- Sthirule~ruguduru ninu tiruvaemkataesa

meaning by Sri SankaraRao , in sujanaranjani:
భగవంతుని తత్త్వాన్ని, అతని సాన్నిధ్యాన్ని తెలుసుకోవాలంటె ఎంతో సాధన అవసరం!
సతత సత్యవ్రత సంపన్నులై, సదాచార జీవనం గడుపుతూ అరిషడ్వర్గాలను జయించిన వారు మాత్రమే భగవంతుని గూర్చి తెలుసుకొనగలరు! అన్నమయ్య ఈ పాటలో పరమ నిత్యానంద, పరిపూర్ణ మానస స్థిరులు (నిత్యమూ భగవదానందాన్ని అనుభవిస్తూ, స్థితప్రజ్ఞత్వం కలవారు) మాత్రమే నిన్ను తెలుసుకొగలరని చెబుతూ, ఆ భగవంతుని దర్శించడానికి అనుసరించవలసిన పద్ధతి పరోక్షంగా తెలియజేయడం ఈ పాటలోని ప్రత్యేకత!

సతత సత్యవ్రతులు = ఎల్లప్పుడు సత్యమే వ్రతముగా కలవారు;
సంపూర్ణ మోహవిరహితులు = పూర్తిగా మోహముచే విడువబడినవారు
నారీకటాక్ష పటునారాచ భయరహితశురులు = స్త్రీల కడుగంటి చూపులనెడు వాడియైన బాణములవలన భయములేని వీరులు
దివ్య విగ్రహము = దివ్యమైన శరీరము;
రాగభోగ విదూరరంజితాత్ములు = రాగమునకు భోగమునకు దూరమై(పరమాత్మయందే)రంజింపమేయబడిన చిత్తముగలవారు
మహాభాగులు = గొప్ప భాగ్యవంతులు,
ఆగమోక్తప్రకారాభిగమ్యులు = శాస్త్రములందు చెప్పబడిన విధానమే ఆశ్రయింపవలసినదిగా గలవారు
పరమభాగవత పదపద్మ సేవానిజాభరణులు = శ్రేష్టులైన భగవద్భక్తుల చరన కమలముల యొక్క సేవయే తమకు ఆభరణముగా గలవారు
నిత్యానంద పరిపూర్ణ మానసస్థిరులు = శాశ్వతమైన ఆనందముతో నిండిన చిత్తముచే చపలరహితులైనవారు



No comments: