270.E kulajuDainanEmi-ఏ కులజుడైననేమి

Audio link :GBKP
Audio link :Yesudasu
Archive link :
ఏ కులజుడైననేమి యెవ్వడైననేమి
ఆకడ నాతడె హరినెఱిగినవాడు

పరగిన సత్యసంపన్నుడైన వాడే
పరనిందసేయ దత్పరుడు గాని వాడు
అరుదైన భూతదయానిధి యగువాడే
పరులదానే యని భావించువాదు

నిర్మలుడై యాత్మనియతి గలుగువాడే
ధర్మతత్పరబుధ్ధి దలిగిన వాడు
కర్మమార్గములు తడవనివాడే
మర్మమై హరిభక్తి మఱవనివాడు

జగతి పై హితముగా జరియించువాడే
పగలేక మతిలోన బ్రదికినవాడు
తెగి సకలము నాత్మ దెలిసినవాడే
తగిలి వెంకటేశు దాసుడయినవాడు

E kulajuDainanEmi yevvaDainanEmi
AkaDa nAtaDe harine~riginavADu

paragina satyasampannuDaina vADE
paraniMdasEya datparuDu gAni vADu
arudaina bhUtadayAnidhi yaguvADE
paruladAnE yani bhAviMchuvAdu

nirmaluDai yAtmaniyati galuguvADE
dharmatatparabudhdhi daligina vADu
karmamArgamulu taDavanivADE
marmamai haribhakti ma~ravanivADu

jagati pai hitamugA jariyiMchuvADE
pagalEka matilOna bradikinavADu
tegi sakalamu nAtma delisinavADE
tagili veMkaTESu dAsuDayinavADu

269.ekkuvakulajuDaina hInakulajuDaina-ఎక్కువకులజుడైన హీనకులజుడైన

Audio link :
Audio link :Shobharaju
Archive link :
ప|| ఎక్కువకులజుడైన హీనకులజుడైన | నిక్కమెరిగిన మహానిత్యుడే ఘనుడు ||
చ|| వేదములు చదివియు విముఖుడై హరిభక్తి | యాదరించలేని సోమయాజికంటె |
యేదియునులేని కులహీనుడైనను విష్ణు | పాదములు సేవించు భక్తుడే ఘనుడు ||
చ|| పరమమగు వేదాంత పఠన దొరికియు సదా | హరిభక్తిలేని సన్యాసికంటె |
సరవి మాలిన యంత్యజాతి కులజుడైన | నరసి విష్ణు వెదుకునాతడే ఘనుడు ||
చ|| వినియు జదివియును శ్రీవిభుని దాసుడుగాక | తనువు వేపుచునుండు తపసికంటె |
ఎనలేని తిరువేంకటేశు ప్రసాదాన్న- | మనుభవించిన యాతడప్పుడే ఘనుడు ||
pa|| ekkuvakulajuDaina hInakulajuDaina | nikkamerigina mahAnityuDE GanuDu ||
ca|| vEdamulu cadiviyu vimuKuDai hariBakti | yAdariMcalEni sOmayAjikaMTe |
yEdiyunulEni kulahInuDainanu viShNu | pAdamulu sEviMcu BaktuDE GanuDu ||
ca|| paramamagu vEdAMta paThana dorikiyu sadA | hariBaktilEni sanyAsikaMTe |
saravi mAlina yaMtyajAti kulajuDaina | narasi viShNu vedukunAtaDE GanuDu ||
ca|| viniyu jadiviyunu SrIviBuni dAsuDugAka | tanuvu vEpucunuMDu tapasikaMTe |
enalEni tiruvEMkaTESu prasAdAnna- | manuBaviMcina yAtaDappuDE GanuDu ||

268.evvarevvarivADO yIjIvuDu- ఎవ్వరెవ్వరివాడో యీజీవుడు

Audio link :PBSrinivas
Archive link : Mangalampalli Balamuralikrishna

ప|| ఎవ్వరెవ్వరివాడో యీజీవుడు చూడ | నెవ్వరికి నేమౌనో యీజీవుడు ||
చ|| ఎందరికి గొడుకుగా డీజీవుడు వెనుక- | కెందరికి దోబుట్ట డీజీవుడు |
యెందరిని భ్రమయించ డీజీవుడు దుహ్ఖ- | మెందరికి గావింప డీజీవుడు ||
చ|| ఎక్కడెక్కడ దిరుగ డీజీవుడు వెనుక- | కెక్కడో తనజన్మ మీజీవుడు |
యెక్కడి చుట్టము దనకు నీజీవుడు యెప్పు- | డెక్కడికి నేగునో యీజీవుడు ||
చ|| ఎన్నడును జేటులేనీజీవుడు వెనుక- | కెన్నిదనువులు మోవ డీజీవుడు |
యెన్నగల తిరువేంకటేశు మాయల దగిలి | యెన్నిపదవుల బొంద డీజీవుడు 
||pa|| evvarevvarivADO yIjIvuDu cUDa | nevvariki nEmaunO yIjIvuDu ||
ca|| eMdariki goDukugA DIjIvuDu venuka- | keMdariki dObuTTa DIjIvuDu |
yeMdarini BramayiMca DIjIvuDu duHKa- | meMdariki gAviMpa DIjIvuDu ||
ca|| ekkaDekkaDa diruga DIjIvuDu venuka- | kekkaDO tanajanma mIjIvuDu |
yekkaDi cuTTamu danaku nIjIvuDu yeppu- | DekkaDiki nEgunO yIjIvuDu ||
ca|| ennaDunu jETulEnIjIvuDu venuka- | kennidanuvulu mOva DIjIvuDu |
yennagala tiruvEMkaTESu mAyala dagili | yennipadavula boMda DIjIvuDu ||

267.koMDavElanettinaTTi gOviMdA-కొండవేలనెత్తినట్టి గోవిందా

Audio link :AshaBhosle
Archive link :

కొండవేలనెత్తినట్టి గోవిందా నిన్ను
గొండించేరు యశోదకు గోవిందా

గొల్లెతలు మొక్కేరు గోవిందా నీ-
కొల్లల చీరలిమ్మని గోవిందా
గొల్లు వెన్న దొంగిలగ గోవిందా నిన్ను
కొల్లున నవ్వేరు వీరె గోవిందా

గోవుల గాచేవేళ గోవిందా పిల్ల(-
గోవిని వలచిరి గోవిందా
గోవాళులై యమునలో గోవిందా నీకు
కోవరమున్నారురా గోవిందా

కొట్టేటి వుట్లకింద గోవిందా నీతో-
గొట్టెవాటై పెనగేరు గోవిందా
గుట్టుతో శ్రీవేంకటాద్రిగోవిందా కూడి
గొట్టాన( బెట్టేరు బత్తి గోవిందా



koMDavElanettinaTTi gOviMdA ninnu
goMDiMchEru yaSOdaku gOviMdA

golletalu mokkEru gOviMdA nI-
kollala chIralimmani gOviMdA
gollu venna doMgilaga gOViMdA ninnu
kolluna navvEru vIre gOviMdA

gOvula gAchEvELa gOviMdA pilla(-
gOvini valachiri gOviMdA
gOvALulai yamunalO gOviMdA nIku
kOvaramunnArurA gOviMdA

koTTETi vuTlakiMda gOviMdA nItO-
goTTevATai penagEru gOviMdA
guTTutO SrIvEMkaTAdrigOviMdA kUDi
goTTAna( beTTEru batti gOviMdA

Meaning by GB Sankara Rao garu, in sujanaranjani 
శ్రీ కృష్ణావతార లీలలను మనోయవనికపై సక్షాత్కారం చేస్తుంది ఈ సంకీర్తన! గోవర్ధనగిరిని చిటికెన వ్రేలితో నిలబెట్టిన గోవిందుని గొల్లెతలు (గోపికలు) మ్రొక్కుతున్నారట! శ్రీ కృష్ణావతారంలో మనకు కనిపించే పదహారువేల గోపికలు నిర్మలభక్తికి సూచికలు! వారంతా భౌతిక ప్రపంచాన్ని మరచి తమ చిత్త పద్మాలలో శ్రీ కృష్ణుని పదపద్మాలను నిలిపి సదా స్వామిని నిరంతరం అతడి పొందు కోసం పరితపిస్తారు. భౌతిక లోకంలో ఒక యోగి ఎలా స్వామిని నిరంతరం తన తపోధ్యానాదులతో ఆరధిస్తాడో, గోపికలు కూడా అలాగే శ్రీ కృష్ణుడిని ఆరాధిస్తారు. అందుకే మధురభక్తికి సంకేతాలు ఈ గోపికలు! అన్నమయ్య గోపికాభక్తిని అనేక సంకీర్తనలలో ఉత్కృష్ఠమైన భక్తిగా కీర్తించాడు! అటువంటి ఆణిముత్యాలలో ఇదొక మేలిమి ముత్యం!
కొండించేరు = పొగడేరు;
కొల్లల = దొంగిలించిన;
గోవాళులు = గోవ + వారలు = యవ్వనము గలవారు;
కోవరము = (కోపురము) శత్రువును పట్టుటకై పొంచెడు పొంచు;
పెనుగు = చుట్టుకొను

266.kaMTirA viMTirA kamalanAbhuni-కంటిరా వింటిరా కమలనాభుని

Audio link :MBalaMuraliKrishna
Archive link :
కంటిరా వింటిరా కమలనాభుని శక్తి
వొంటి నితనిశరణ మొకటే వుపాయము

యీతనినాభి పొడమె యెక్కువైనబ్రహ్మయు
యీతడే రక్షించినాడు యింద్రాదుల
యీతడాకుమీద( దేలె నేకార్ణవమునాడు
యీతడే పో హరి మనకిందరికి దైవము

యీతడే యసురబాధ లిన్నియు( బరి హరించె-
నీతనిమూడడుగులే యీలోకాలు
యీతడే మూలమంటే నేతెంచి కరి(గాచె
నీతనికంటే వేల్పు లిక మరి కలరా

యీతడే వైకుంఠనాథు( డీతడే రమానాథు(-
డీతడే వేదోక్తదైవ మిన్నిటా తానె
యీతడే అంతర్యామి యీ చరాచరములకు
నీతడే శ్రీవేంకటేశు( డీహపరధనము


kaMTirA viMTirA kamalanAbhuni Sakti
voMTi nitaniSaraNa mokaTE vupAyamu

yItaninAbhi poDame yekkuvainabrahmayu
yItaDE rakshiMchinADu yiMdrAdula
yItaDAkumIda( dEle nEkArNavamunADu
yItaDE pO hari manakiMdariki daivamu

yItaDE yasurabAdha linniyu( bari hariMche-
nItanimUDaDugulE yIlOkAlu
yItaDE mUlamaMTE nEteMchi kari(gAche
nItanikaMTE vElpu lika mari kalarA

yItaDE vaikuMThanAthu( DItaDE ramAnAthu(-
DItaDE vEdOktadaiva minniTA tAne
yItaDE aMtaryAmi yI charAcharamulaku
nItaDE SrIVEMkaTESu( DIhaparadhanamu

265.naTanala Bramayaku nA manasA- నటనల భ్రమయకు నా మనసా

Audio link :MohanaKrishna
Audio link :Ashabhosle
Audio link :MSSubbalakshmi
Archive link :
ప|| నటనల భ్రమయకు నా మనసా | ఘటియించు హరియే కలవాడు ||
చ|| ముంచిన జగమిది మోహినీ గజము | పొంచిన యాస పుట్టించేది |
వంచనల నిజమువలెనే వుండును | మంచులు మాయలె మరునాడు ||
చ|| సరి సంసారము సంతలకూటమి | సొరిది బజారము చూపేది |
గరిమ నెప్పుడు గలకల మనుచుండును | మరులగు విధమే మాపటికి ||
చ|| కందువ దేహముగాని ముదియదిది | అందిన రూప మాడేదిది |
యెందును శ్రీ వేంకటేశ్వరుండును | డిందు పడగనిదె తెరమరుగు ||
pa|| naTanala Bramayaku nA manasA | GaTiyiMcu hariyE kalavADu ||
ca|| muMcina jagamidi mOhinI gajamu | poMcina yAsa puTTiMcEdi |
vaMcanala nijamuvalenE vuMDunu | maMculu mAyale marunADu ||
ca|| sari saMsAramu saMtalakUTami | soridi bajAramu cUpEdi |
garima neppuDu galakala manucuMDunu | marulagu vidhamE mApaTiki ||
ca|| kaMduva dEhamugAni mudiyadidi | aMdina rUpa mADEdidi |
yeMdunu SrI vEMkaTESvaruMDunu | DiMdu paDaganide teramarugu ||

Download link : Sung by MS.Subbalakshmi 
Meaning provided by : http://www.geocities.com/hkssv/natanala.html
(note that , this is the understanding of the hkssv website owner, and may differ from other's views.)

Introduction to the Keerthana

This Sankeerthana, in the same lines of Manasa Sancharare, gives direction to one's mind not to get entrapped in the desires which are mere illusions because when one desire is fulfilled, other crops up. Each desire wishes to conquer human mind and destroy one's astute powers. This enticement is to be prevailed over - this is the summary of the Sankeerthana.

Meaning of the Sankeerthana

Oh my Mind, don't get entangled in the drama of life because all the parodies are nothing but the Lord's making and His creation.

Oh my Mind, remember the stories of 'Gajendra Moksha' and 'Mohini Avatharam' all the time for they are our lessons and reminders to quell evil desires; because falsity is sweet and credible; truth indeed prevails just like a clear morning after each foggy night.

Identical to the association of merchants which is formed for mutual benefit and support, one is attracted towards the institutions of marriage and family; where pomp and pride are merry and joyous. But all glorious fame is lost by the dusk.

When everything is possible and easy for a human being, he thinks that everything is his making and he himself can conquer the whole world! As time passes by... when one realises that everything one had or made is trivial, the mind traverses towards the Lord to seek His company. And when he achieves the company of Lord Venkateswara, what else one can have? The drama is bound to go offscreen then!

264.virahapu rAjade viDidiki - విరహపు రాజదె విడిదికి

Audio link :NedunuriKrishnamurthy
Archive link :
ప|| విరహపు రాజదె విడిదికి రాగా | సిరుల జేసెనిదె సింగారములు ||
చ|| నెలత నుదుటిపై నీలపు కురులనె | తొలుతనె గట్టెను తోరణము |
మొలక చెమటలనె ముత్యపు (మ్రుగ్గులు) | అలరిచె మదనుండిదె చెలిమేన ||
చ|| దట్టముగ చింతా లతనే వడి | బెట్టె చప్పరము పెనుగొనగా |
పట్టిన మై తావులు పరిమళములు | కట్టించెను చెంగట వలరాజు ||
చ|| విందగు వేంకట విభుని ప్రేమచే | పొందగ బెట్టెను బోనాలు
ఇందు వదనికి ఇందిరా విభుని | కందుదేర నలుకలు చవిజేసె ||
pa|| virahapu rAjade viDidiki rAgA | sirula jEsenide siMgAramulu ||
ca|| nelata nuduTipai nIlapu kurulane | tolutane gaTTenu tOraNamu |
molaka cemaTalane mutyapu (mruggulu) | alarice madanuMDide celimEna ||
ca|| daTTamuga ciMtA latanE vaDi | beTTe capparamu penugonagA |
paTTina mai tAvulu parimaLamulu | kaTTiMcenu ceMgaTa valarAju ||
ca|| viMdagu vEMkaTa viBuni prEmacE | poMdaga beTTenu bOnAlu
iMdu vadaniki iMdirA viBuni | kaMdudEra nalukalu cavijEse ||

263.viDuvaviDuvaniMka vishNuDa-విడువవిడువనింక విష్ణుడ

Audio link :MBalaMuraliKrishna
Archive link :


విడువవిడువనింక విష్ణుడ నీపాదములు
కడగి సంసారవార్థి కడుముంచుకొనిన

పరమాత్మ నీవెందో పరాకైయున్నాను
పరగ నన్నింద్రియాలు పరచినాను
ధరణిపై చెలరేగి తనువు వేసరినాను
దురితాలు నలువంక( దొడికి తీసినను

పుట్టుగు లిట్టె రానీ భువి లేక మాననీ
వట్టి ముదిమైన రానీ వయసే రానీ
చుట్టుకొన్నబంధములు చూడనీ వీడనీ
నెట్టుకొన్నయంతరాత్మ నీకు నాకుబోదు

యీదేహమే యయిన ఇక నొకటైనాను
కాదు గూడదని ముక్తి కడకేగినా
శ్రీదేవుడవైన శ్రీవేంకటేశ నీకు
సోదించి నీశరణమే చొచ్చితి నేనికను


viDuvaviDuvaniMka vishNuDa nIpAdamulu
kaDagi saMsAravArthi kaDumuMchukonina

paramAtma nIveMdO parAkaiyunnAnu
paraga nanniMdriyAlu parachinAnu
dharaNipai chelarEgi tanuvu vEsarinAnu
duritAlu naluvaMka( doDiki tIsinanu

puTTugu liTTe rAnI bhuvi lEka mAnanI
vaTTi mudimaina rAnI vayasE rAnI
chuTTukonnabaMdhamulu chUDanI vIDanI
neTTukonnayaMtarAtma nIku nAkubOdu

yIdEhamE yayina ika nokaTainAnu
kAdu gUDadani mukti kaDakEginA
SrIdEvuDavaina SrIvEMkaTESa nIku
sOdiMchi nISaraNamE chochchiti nEnikanu

262.namO nArAyaNa nAvinnapamidivO-నమో నారాయణ నావిన్నపమిదివో

Audio link :Srirangamgopalaratnam
Archive link :
నమో నారాయణ నావిన్నపమిదివో
సమానుడగాను నీకు సర్వేశ రక్షించవే

మనసు నీయాధీనము మాటలు నీవాడేటివే
తనువు నీపుట్టించినధన మిది
మును నీవంపున నిన్ని మోచుకున్నవాడనింతే
వెనక నన్ను నేరాలు వేయక రక్షించవే

భోగములెల్లా నీవి బుధ్ధులు నీవిచ్చినవి
యీగతి నాబతుకు నీవిరవైనది
చేగదీర నీవునన్ను జేసినమానిసి నింతే
సోగల నాయజ్ఞానము చూడక రక్షించవే

వెలినీవె లోనీవే వేడుకలెల్లా నీవే
కలకాలమును నీకరుణే నాకు
యిల శ్రీవేంకటేశ నీవేలుకొన్నబంట నింతే
నెలవు దప్పించక నీవే రక్షించవే


namO nArAyaNa nAvinnapamidivO
samAnuDagAnu nIku sarwESa rakshiMchavE

manasu nIyAdhInamu mATalu nIvADETivE
tanuvu nIpuTTiMchinadhana midi
munu nIvaMpuna ninni mOchukunnavADaniMtE
venaka nannu nErAlu vEyaka rakshiMchavE

bhOgamulellA nIvi budhdhulu nIvichchinavi
yIgati nAbatuku nIviravainadi
chEgadIra nIvunannu jEsinamAnisi niMtE
sOgala nAyaj~nAnamu chUDaka rakshiMchavE

velinIve lOnIvE vEDukalellA nIvE
kalakAlamunu nIkaruNE nAku
yila SrIvEMkaTESa nIvElukonnabamTa niMtE
nelavu dappiMchaka nIvE rakshiMchavE

261.Emani pogaDudu iTTi-ఏమని పొగడుదు ఇట్టి

Audio link :Srirangamgopalaratnam
Archive link :

ఏమని పొగడుదు ఇట్టి నీగుణము
యీ మహిమకు ప్రతి యితరులు కలరా

నిండెను జగముల నీ ప్రతాపములు
చెండిన బాణునిచేతులతో
కొండలంతలై కుప్పలు వడియెను
వండ(దరగు రావణుతలలయి(లు?)

పూడెనుజలధులు పొరి(గోపించిన
తోడ బ్రహ్మాండము తూటాయ
చూడ పాతాళాము చొచ్చె బలీంద్రుడు
కూడిన కౌరవకులములు నడ(గె

యెత్తితివి జవము లీరేడు నొకపరి
యిత్తల నభయం బిచ్చితివి
హత్తిన శ్రీవేంకటాధిప నీకృప
నిత్తెమాయె నీనిజదాసులకు



Emani pogaDudu iTTi nIguNamu
yI mahimaku prati yitarulu kalarA

niMDenu jagamula nI pratApamulu
cheMDina bANunichEtulatO
koMDalaMtalai kuppalu vaDiyenu
vaMDa(daragu rAvaNutalalayi(lu?)

pUDenujaladhulu pori(gOpiMchina
tODa brahmAMDamu tUTAya
chUDa pAtALAmu chochche balIMdruDu
kUDina kauravakulamulu naDa(ge

yettitivi javamu lIrEDu nokapari
yittala nabhayam bichchitivi
hattina SrIvEMkaTAdhipa nIkRpa
nittemAye nInijadAsulaku
GB Sankara Rao gari vivarana, fron sujanaranjani

శ్రీ మహావిష్ణువు శౌర్య ప్రతాపాలు అనంతాలు! బాణాసుర సంహారంతో నీ ప్రతాపం జగమంతా వ్యాపించినది! నీ ప్రతాపానికి రావణుడి తల వ్రక్కలయ్యింది. నీ కోపానికి సముద్రాలు అల్లకల్లోలమైనాయి. రాక్షసరాజు బలిచక్రవర్తి పాతాళానికి అణగద్రొక్కబడ్డాడు నీ వామనపాదం చేత! అనేక అవతారాలైన భక్తులకు మాత్రం చల్ల్ని చూపులతో అభయాన్ని అందిస్తున్నావు! కలియుగంలో వేంకటేశ్వరునిగా వెలసిన ఓ స్వామీ! నీ కరుణ మా వంటి నిజదాసులకు నిత్యమూ నిండుగా ఉన్నదయ్యా! అని అంటున్నారు. ఆచార్యులవారు! 
 

ప్రతి = తిరుగు;
నిత్తెమాయ = నిత్యము + ఆయ