923. eMtavADavayya nIvu yekkaDekkaDa - ఎంతవాఁడవయ్య నీవు యెక్కడెక్కడ

 Youtube Link : Sri NC Sridevi

ఎంతవాఁడవయ్య నీవు యెక్కడెక్కడ

పొంత నీ జాణతనాలు పొగడేము నేము

మాటలనే తేనెలూరీ మంతనాన నోరూరీ

యేట వెట్టే నీ మహిమ లెక్కడ

తేటలు నీచేత విని దేహమెల్లాఁ జెమరించె

మూటలుగా నవ్వితిమి మొక్కేము నీకు

చూపులనే వాఁడి రేఁగీ సొలపుల నాసరేఁగీ

యేపున నీయెమ్మె లివి యెక్కడెక్కడ

తీపుల నీపాలఁ జిక్కి తిద్దుపడె గుణమెల్ల

మోపుగా వలచితిమి మొక్కేము నీకు

కందువల దమి వుట్టె కాఁగిట బీరము వుట్టీ

ఇందులోని నీ నేరుపు లెక్కడెక్కడ

పొ౧దితి శ్రీ వేంకటేశ భోగము రతులకెక్కె

ముందర నింకొకమాఁటు మొక్కేము నీకు

eMtavaa@MDavayya neevu yekkaDekkaDa

poMta nee jaaNatanaalu pogaDaemu naemu

maaTalanae taenelooree maMtanaana nOrooree

yaeTa veTTae nee mahima lekkaDa

taeTalu neechaeta vini daehamellaa@M jemariMche

mooTalugaa navvitimi mokkaemu neeku

choopulanae vaa@MDi rae@Mgee solapula naasarae@Mgee

yaepuna neeyemme livi yekkaDekkaDa

teepula neepaala@M jikki tiddupaDe guNamella

mOpugaa valachitimi mokkaemu neeku

kaMduvala dami vuTTe kaa@MgiTa beeramu vuTTee

iMdulOni nee naerupu lekkaDekkaDa

po~1diti Sree vaeMkaTaeSa bhOgamu ratulakekke

muMdara niMkokamaa@MTu mokkaemu neeku

922. niraMtaraMbunu nImAyE - నిరంతరంబును నీమాయే

 Youtube link : Malladi Brothers

నిరంతరంబును నీమాయే పరం-

పరములాయ పాపవే నీమాయ

మును తల్లిగర్భమున ముంచెను నీమాయ

వెనక జనించినట్టే వెలసె నీమాయ

అనుగు కౌమార బాల్య యవ్వనములు నీమాయ

జనులకు దాఁటరానిజలధి నీమాయ

ఆస నీమాయ అంగము నీమాయ

యీసునఁ గామక్రోధము లివి నీమాయ

వాసుల సంసారమున వలఁబెట్టీ నీమాయ

గాసిఁబడి యిఁక నెట్టు గడచే నీమాయ

యెదురెల్ల నీమాయ యిహమెల్ల నీమాయ

పొదలి స్వర్గ నరక భోగము నీమాయ

అదన శ్రీవేంకటేశ అంతరాత్మవు నీవె

యిదె నీకే శరణంటి నిఁకనేల మాయ

niraMtaraMbunu neemaayae paraM-

paramulaaya paapavae neemaaya

munu talligarbhamuna muMchenu neemaaya

venaka janiMchinaTTae velase neemaaya

anugu kaumaara baalya yavvanamulu neemaaya

janulaku daa@MTaraanijaladhi neemaaya

aasa neemaaya aMgamu neemaaya

yeesuna@M gaamakrOdhamu livi neemaaya

vaasula saMsaaramuna vala@MbeTTee neemaaya

gaasi@MbaDi yi@Mka neTTu gaDachae neemaaya

yedurella neemaaya yihamella neemaaya

podali svarga naraka bhOgamu neemaaya

adana SreevaeMkaTaeSa aMtaraatmavu neeve

yide neekae SaraNaMTi ni@Mkanaela maaya