621.mAnarA navvu mAnarA vaddu - మానరా నవ్వు మానరా వద్దు

Audio link

మానరా నవ్వు మానరా వద్దు మానరా
మాతో మానరా యేల మానరా నీవు
మానకుంటే నిన్ను నిందరు వినగా
మాటలదిట్టక మానరా

వారివీరితోడ వావులు చెప్పంపే వట్టిదోసమేల కట్టేవురా
తేరకొన నన్నుజూచి వట్టియాస - దేర నుస్సురనేటి కి రా
పోరిపోరి నీవే నిజమరి నంటా బొంకుచు నన్నేల ముట్టేవురా
కోరి వూరకున్న వారి కింతేసి - కొడిమె లేటికి వచ్చీరా

చక్కని వారికి నీయెదుట సారెనిలువదటరా
వొక్కమాటలోనే నీవింత గరగి వొళ్ళు చెమరించనేటికిరా
చిక్కనిచన్నులు నాకుగలిగితే చింతబొరలగ నీకేలరా
మొక్కలాన నీవుసేసేరోతలకు మొదలనే నాకు సిగ్గవురా

కారణము లేక ఊరివారితోడ కాలుదొక్కనేల వచ్చేవురా
నీరువంక తుంగవంటివాడవింతే నీతోడిపొందుకు నేనోపరా
కూరిమితోడుత శ్రీవేంకటేశ్వరా కూడితివి నిన్ను నేమందురా
కోరినకోరికలెల్లా తలకూడె గోరనన్ను నూఁదనేటికిరా

mAnarA navvu mAnarA vaddu mAnarA
mAtO mAnarA yEla mAnarA nIvu
mAnakuMTE ninnu niMdaru vinagA
mATaladiTTaka mAnarA

vArivIritODa vAvulu cheppaMpE vaTTidOsamEla kaTTEvurA
tErakona nannujUchi vaTTiyAsa - dEra nussuranETi ki rA
pOripOri nIvE nijamari naMTA boMkuchu nannEla muTTEvurA
kOri vUrakunna vAri kiMtEsi - koDime lETiki vachchIrA

chakkani vAriki nIyeduTa sAreniluvadaTarA
vokkamATalOnE nIviMta garagi voLLu chemariMchanETikirA
chikkanichannulu nAkugaligitE chiMtaboralaga nIkElarA
mokkalAna nIvusEsErOtalaku modalanE nAku siggavurA

kAraNamu lEka UrivAritODa kAludokkanEla vachchEvurA
nIruvaMka tuMgavaMTivADaviMtE nItODipoMduku nEnOparA
kUrimitODuta SrIvEMkaTESwarA kUDitivi ninnu nEmaMdurA
kOrinakOrikalellA talakUDe gOranannu nU@MdanETikirA