909. vibhuDa viMtaTiki veravutO nanu gAvu - విభుడ వింతటికి వెరవుతో ననుగావు

Youtube Link: Smt YogaKirtana, Kharaharapriya ragam, Tune by Smt Veturi Chandrakala

విభుఁడ వింతటికి వెరవుతో ననుఁగావు
అభయహస్తముతోడి ఆదిమూలమా    

పలులంపటాలచేతఁ బాటుపడి పాటుపడి
అలసితిఁ గావవే వో ఆదిమూలమా
చలమరి యితరసంసారభ్రాంతిఁ జిక్కితి న-
న్నలరించి కావవే వో ఆదిమూలమా    

యెంతకైన నాసలచే యేఁగేఁగి వేసరితి-
నంత కోపఁ గావవే వో ఆదిమూలమా
సంతల చుట్టరికాల జడిసితి నిఁకఁ గావు
అంతరాత్మ నాపాలి ‌ఆదిమూలమా    

రంటదెప్పు టింద్రియాల రవ్వైతిఁ గావవే వో-
అంటిన శ్రీవేంకటాద్రి‌ ఆదిమూలమా
గెంటక ముమ్మాటికని నీకే శర-
ణంటిఁ గావవే వో ఆదిమూలమా    

vibhu@MDa viMtaTiki veravutO nanu@Mgaavu
abhayahastamutODi aadimoolamaa   

palulaMpaTaalachaeta@M baaTupaDi paaTupaDi
alasiti@M gaavavae vO aadimoolamaa
chalamari yitarasaMsaarabhraaMti@M jikkiti na-
nnalariMchi kaavavae vO aadimoolamaa   

yeMtakaina naasalachae yae@Mgae@Mgi vaesariti-
naMta kOpa@M gaavavae vO aadimoolamaa
saMtala chuTTarikaala jaDisiti ni@Mka@M gaavu
aMtaraatma naapaali ‌aadimoolamaa   

raMTadeppu TiMdriyaala ravvaiti@M gaavavae vO-
aMTina SreevaeMkaTaadri‌ aadimoolamaa
geMTaka mummaaTikani neekae Sara-
NaMTi@M gaavavae vO aadimoolamaa   

891. parama purushuDI bAluDaTa - పరమపురుషుఁ డీబాలుఁడట

YouTube link: Sung by Yoga Kirtana garu, tuned by Smt Veturi Chandralekha garu in BouLi Ragam

పరమపురుషుఁ డీబాలుఁడట
హర విరుంచులు మొక్కేరదివో వాకిటను    

దేవుఁడితఁడు సర్వదేవతల కొడయఁడు
వేవేలు వేదములచే వేద్యుఁడితఁడు
దేవకీదేవికి వసుదేవునికిఁ గొడుకాయ
యీవిధము నోఁచిరి వీరెంత భాగ్యవంతులో

అంతటాఁ దానున్నవాఁడు అరయ స్వతంత్రుఁడు
అంతయు నాదియులేని ఆదిమూరితి
వంతుకు యశోదకు నవ్వల నందగోపునికి
దొంతరకొడుకైనాఁడు తొల్లి వీరే పుణ్యులో

ఇందిరావల్లభుఁడు ఇహపరనాయకుఁడు
కందువ శ్రీవేంకటాద్రిఁ గాపున్నవాఁడు
మందగొల్లెతలకెల్ల మరఁది దానైనాఁడు
ఇందరు నిందరే వీరి కెన్నటి సంబంధమో

 paramapurushu@M Deebaalu@MDaTa
hara viruMchulu mokkaeradivO vaakiTanu    

daevu@MDita@MDu sarvadaevatala koDaya@MDu
vaevaelu vaedamulachae vaedyu@MDita@MDu
daevakeedaeviki vasudaevuniki@M goDukaaya
yeevidhamu nO@Mchiri veereMta bhaagyavaMtulO

aMtaTaa@M daanunnavaa@MDu araya svataMtru@MDu
aMtayu naadiyulaeni aadimooriti
vaMtuku yaSOdaku navvala naMdagOpuniki
doMtarakoDukainaa@MDu tolli veerae puNyulO

iMdiraavallabhu@MDu ihaparanaayaku@MDu
kaMduva SreevaeMkaTaadri@M gaapunnavaa@MDu
maMdagolletalakella mara@Mdi daanainaa@MDu
iMdaru niMdarae veeri kennaTi saMbaMdhamO

890. SrI VEmkaTESuDu SrIpatiyu nitaDE - శ్రీవేంకటేశుఁడు శ్రీపతియు నితఁడే

Youtube link: Sung by Sri Yoga Kirtana, Music Composed by Smt. Veturi Chandrakala garu , in Sama ragam

శ్రీవేంకటేశుఁడు శ్రీపతియు నితఁడే
పావనపు వైకుంఠపతియును నితఁడే

భగవతములోఁ జెప్పే బలరాముతీర్ధయాత్ర
నాగమోక్తమైనదైవమాతఁ డితడే
బాగుగా బ్రహ్మాండపురాణపద్ధతియాతఁ డితఁడే
యోగమై వామనపురాణోక్తదైవ మీతఁడే    

వెలయ సప్తరుషులు వెదకి ప్రదక్షిణము
లలరఁ జేసినదేవుఁడాఁతఁ డీతఁడే
నెలవై కోనేటిపొంత నిత్యముఁ గుమారస్వామి
కలిమి దపముసేసి కన్నదేవు డీతఁడే

యెక్కువై బ్రహ్మాదులు నెప్పుడు నింద్రాదులు
తక్కక కొలిచియున్న తత్వమీతఁడు
చక్క నారదాదులససంకీర్తనకుఁ జొక్కి
నిక్కినశ్రీవేంకటాద్రి నిలయుఁడు నీతఁడే

SreevaeMkaTaeSu@MDu Sreepatiyu nita@MDae
paavanapu vaikuMThapatiyunu nita@MDae

bhagavatamulO@M jeppae balaraamuteerdhayaatra
naagamOktamainadaivamaata@M DitaDae
baagugaa brahmaaMDapuraaNapaddhatiyaata@M Dita@MDae
yOgamai vaamanapuraaNOktadaiva meeta@MDae   

velaya saptarushulu vedaki pradakshiNamu
lalara@M jaesinadaevu@MDaa@Mta@M Deeta@MDae
nelavai kOnaeTipoMta nityamu@M gumaarasvaami
kalimi dapamusaesi kannadaevu Deeta@MDae

yekkuvai brahmaadulu neppuDu niMdraadulu
takkaka kolichiyunna tatvameeta@MDu
chakka naaradaadulasasaMkeertanaku@M jokki
nikkinaSreevaeMkaTaadri nilayu@MDu neeta@MDae

641.naMdagOpa naMdanuDE nATibAluDu - నందగోపనందనుడే నాటిబాలుడు

Youtube link: Smt. Yoga Kirtana, mohana raga, tune by Smt. Veturi Chandrakala
Audio link  music and sung by Sri g nageswara naidu

నందగోప నందనుడే నాటిబాలుడు
ఇందునేడె రేపల్లె నేచి పెరిగెను

పువ్వువంటి మఱ్ఱియాకు పొత్తిఁబవళించనేర్చె
యెవ్వడోకాని తొల్లె యీబాలుడు
మువ్వంక వేదములను ముద్దుమాటలాడనేర్చె
యెవ్వరూ కొంతనేర్ప నేటికే వీనికి

తప్పుటడుగు లిడగనేర్చె ధరణియందు నాకసమున
నెప్పుగా రసాతలమున నొంటి తొల్లియో
రెప్పలెత్తి చూడనేర్చె రేసీఁజెంద్రునందు పగలు
గొప్పసూర్యునందు నింకఁ గొత్త నేర్పనేటికే

మంచివెన్నబువ్వ లిపుడు మలసి యారగించనేర్చె
నంచితముగ శ్రీవేంకటాద్రి మీదను
యెంచి యప్పలప్పలనుచు యెనసి కాగిలించనేర్చె
దించరానివురము మీద దివ్యకాంతను

naMda gOpa naMdanuDE nATibAluDu
iMdunEDe rEpalle nEchi perigenu

puvvuvaMTi ma~r~riyAku potti@MbavaLiMchanErche
yevvaDOkAni tolle yIbAluDu
muvvaMka vEdamulanu muddumATalADanErche
yevvarU koMtanErpa nETikE vIniki

tappuTaDugu liDaganErche dharaNiyaMdu nAkasamuna
neppugA rasAtalamuna noMTi tolliyO
reppaletti chUDanErche rEsI@MjeMdrunaMdu pagalu
goppasUryunaMdu niMka@M gotta nErpanETikE

maMchivennabuvva lipuDu malasi yAragiMchanErche
naMchitamuga SrIvEMkaTAdri mIdanu
yeMchi yappalappalanuchu yenasi kAgiliMchanErche
diMcharAnivuramu mIda divyakAMtanu