643.talachinavanniyu tanakorakE - తలచినవన్నియు తనకొరకే వెలి

Audio link : SriRanajni ragam, rendered by Sri Nukala Chinasatyanarayana garu

తలచినవన్నియు తనకొరకే వెలి
దెలియుట తనలోఁ దెలియుట కొరకే

ఉదయమందుట భవమౌడుగుటకొరకే
చదువుట మేలువిచారించుకొరకే
బ్రదుకుట పురుషార్థపరుడౌటకొరకే
యెదిరిఁ గనుట తన్నెఱుగుటకొరకే

తగులుట విడివడఁదలచుట కొరకే
నొగులుట కర్మమనుభవించు కొరకే
చిగురౌట కొమ్మయి చెలగుటా కొరకే
బెగడుట దురితము పెడబాయు కొరకే

యీవల జేయుట ఆవలి కొరకే
ఆవలనుండుట యీవలి కొరకే
యీవలనావల నెనయ తిరుగుటెల్ల
శ్రీవేంకటేశ్వరుఁ జేరుటకొరకే

talachinavanniyu tanakorakE veli
deliyuTa tanalO@M deliyuTa korakE

udayamaMduTa bhavamauDuguTakorakE
chaduvuTa mEluvichAriMchukorakE
bradukuTa purushArthaparuDauTakorakE
yediri@M ganuTa tanne~ruguTakorakE

taguluTa viDivaDa@MdalachuTa korakE
noguluTa karmamanubhaviMchu korakE
chigurauTa kommayi chelaguTA korakE
begaDuTa duritamu peDabAyu korakE

yIvala jEyuTa Avali korakE
AvalanuMDuTa yIvali korakE
yIvalanAvala nenaya tiruguTella
SrIvEMkaTESwaru@M jEruTakorakE

536.iTuninu teliyaga eMtaTivAramu - ఇటునిను తెలియగ ఎంతటివారము

Audio Download link , Balakrishnaprasad, in raga : SriRanjani
Archive link :
ఇటునిను తెలియగ ఎంతటివారము
తటుకన నాసల తగులుటగాక

నానామూర్తులు నగధర నీరూపు
యే నెలవుల నిన్నెటువలె దలచుట
పూని నీ భావము పొందుగా జెప్పగా
వీనులు చల్లగా వినుటే గాక

పెక్కునామములు బిరుదు లనంతము-
లెక్కడ కొలదిగ నెన్నని పొగడుట
యిక్కువ సేసుక యిందులో నొకటి
పక్కన నొకమరి పలుకుట గాక

వేవేలు గలవు నీ విహారభూములు
యే విధమున ఎందెందని తిరుగుట
శ్రీవేంకటేశా నీ శృంగారమెల్లను
సేవించి ముదమున చెలగుటగాక
iTuninu teliyaga eMtaTivAramu
taTukana nAsala taguluTagAka

nAnAmUrtulu nagadhara nIrUpu
yE nelavula ninneTuvale dalachuTa
pUni nI bhAvamu poMdugA jeppagA
vInulu challagA vinuTE gAka

pekkunAmamulu birudu lanaMtamu-
lekkaDa koladiga nennani pogaDuTa
yikkuva sEsuka yiMdulO nokaTi
pakkana nokamari palukuTa gAka

vEvElu galavu nI vihArabhUmulu
yE vidhamuna eMdeMdani tiruguTa
SrIvEMkaTESA nI SRMgAramellanu
sEviMchi mudamuna chelaguTagAka